Pierre Topet Etxahunen kantuen eta biziaren giroan sartzen da, soinuz (Barkoxen hartutako soinuak parte), musikaz eta kantuaz. Hitz berriak idatzi eta erraiten ditu TTK Rekalt antzerkilariak, kantuekin aldika, eta soinu giroak ere narrazioan eta musikan sartuz. Musika giroak ezberdinak dira, batean sukaldeko intimitatean, bestean kobrezko fanfare bat, edo berdin tango moduan. Kantu ezagunak batzu (Urxapala, Munduan malerusik...) eta ez hain ezagunak (Montebideorat joaileak...). XIX. mendeko ingurumenean sartzen gira, orduko araudi sozial eta moralari paratuz. Trajediak badu lekua, baina komediak, umoreak ere bai. Etxahun poeta erromantikoa izan zen, eta bere garaikoa, bertsuak eta kantuak zuten garrantzi handiarekin jendartean.